魔音女團16人拍MV倪樂琳練舞傷眼,倪嘉雯金髮造型突破

来源：淘生活问答时间：2026-04-25 13:59

《魔音女團》16位練習生集結拍宣傳MV 倪樂琳投入練舞誤傷自己.全新節目《魔音女團》即將喺5月4號晚10點半首播，16位TVB女藝人組成嘅女團練習生呢日著起型格女團制服，為節目拍攝主題曲《Lucky Star》MV。一眾練習生舞姿魅力十足，跳起上嚟有板有眼，十足韓國女團一樣！雖然拍攝當日先係佢哋第一次16個人一齊跳，但葉靖儀就話經過兩個星期嘅日對夜對，大家已經有一定默契。不過，以女團練習生身份拍MV對大家嚟講都係第一次，倪樂琳笑言被咁多鏡頭對住真係好有壓力，仲因為太投入練舞而不慎手指插眼受傷，認真搏命。莊子璇、宋宛穎就透露，舞蹈老師喺初期對大家好嚴格，評語相當銳利，仲話以呢個水平根本冇辦法喺韓國做到練習生，令眾人加緊苦練。一眾練習生喺造型上亦有所突破，最大轉變嘅一定係倪嘉雯（Carmen），佢拋開乖乖女形象，以一頭金髮Look亮相，又開心又緊張。王汛文同邢慧敏（Sharon）就行型格路線，Sharon更捨棄留咗好多年嘅長髮，以短髮造型示人，令人眼前一亮。日日練舞令大家身形變得更加苗條之外，各自亦有唔同成長。喬美莎就話俞可程由唔識跳舞，變成專業舞者，廖慧儀更封佢做「最佳進步女團員」，認真犀利！《魔音女團》16位練習生名單如下：宋宛穎、倪樂琳、莊子璇、俞可程、鄧凱文、王汛文、喬美莎、穎喬、李尹嫣、邢慧敏、廖慧儀、蔡華英、陳熙蕊、葉靖儀、倪嘉雯、盧映彤。#TVB[超话]#特别声明：以上文章内容仅代表作者本人观点，不代表新浪网观点或立场。如有关于作品内容、版权或其它问题请于作品发表后的30日内与新浪网联系。